ഉടല്‍ മാപിനി

അനാക്രമണ സന്ധിയില്‍ ഒപ്പിട്ട ഉടലുകള്‍
കൈയ്യാമം വച്ച രാത്രികള്‍ ....
മുറ്റത്തെ പൂച്ചട്ടിയില്‍ ചത്ത പൂച്ചക്കുട്ടി
വിരിഞ്ഞു വിരിഞ്ഞു ഇല്ലാതായ പൂക്കളം
നടുങ്ങി ത്തെറിച്ച ഒരു നക്ഷത്രം മാത്രം നീട്ടി നില്കുന്നു ...
വിസ്ഫോടനങ്ങളുടെ ഒരു ഉടല്‍മാപിനി.

ഗരീബി ഹട്ടാവോ

അന്ചിന്ദ്രിയവും ഒരേ കാര്യമാണ് പറഞ്ഞത്
കുഴഞ്ഞു വീഴാന്‍ നേരം ഹൃദയവും .
കുചേലന്റെ യാത്രയും
കൃഷ്ണന്റെ ആതിഥ്യവും
വഞ്ചി പ്പാട്ടായി തുഴ കുത്തി മറിയുന്നു.
മൊബൈല്‍ കോടാലി കള്‍തലയറുത്ത് തനിനിറം കാട്ടുന്നു.
കോമഡി റിങ്ങ്ടോണ്‍ കൂകിയാര്‍ക്കുന്നു
ചോരപ്പാത്തിയില്‍ പുതിയ നഖ നിറത്തിന് ടെന്ടെര്‍...
ദൈവങ്ങള്‍ ബി.പി .എല്‍ പട്ടികയില്‍ പേര് ചേര്‍ക്കുന്നു
സൌജന്യ ആരോഗ്യ ഇന്ഷുറന്സ്....
റേഷന്‍ ....
ദൈവം ബാനര്‍ പിടിക്കുന്നു
രാഷ്ട്രത്തിന്റെ ഭാഷയില്‍ പന്തെറിയുന്നു
.....ഗരീബി ഹട്ടാവോ.......അവസാനത്തെ സി ക്സര്‍.....രാജാവിനുള്ളത്.

പാഠം ഒന്ന്

തുമ്പക്കുടം പൊട്ടി
തുമ്പി പാറി വന്നു
വമ്പുള്ള കാറ്റ്
അതിന്റെ കാലൊടിച്ചു
തുമ്പി ..തുമ്പക്കുടം തേടി
തുമ്പ ഒരമ്മവയറില്‍
മരുന്നായി പോയത്രേ ..
കേട്ടറിവും കണ്ടറിവും ഇല്ലാത്ത
തുമ്പിയെ
കുട്ടി പുസ്തകത്തില്‍ ഒട്ടിച്ചു
നല്ല പുസ്തകം ....തുമ്പി തുള്ളാന്‍ തുടങ്ങി.