Sunday, January 28, 2024

കൂട്

മരിച്ചിട്ടും മരിക്കാത്ത ഒരു
ഋതു
നൊന്തുവിളിക്കുന്നതായി
തോന്നുന്നുണ്ട്
മഞ്ചാടിമഴയിലെന്ന  പോലെ
ചുവന്നു നനയുന്നുണ്ട് 
പനകളുടെ ചില്ല കീറി 
വരുന്നൊരു
പിടച്ചിലിൽ
ചേർത്തൊതുക്കി
മധുര വെള്ളത്തിൻ്റെ
മരണമിറ്റിച്ച്
അതു കടന്നു 
പോകുമ്പോൾ
ഉടൽ മാത്രം 
കരയുന്നതെ
ന്തിനാവാം. 







Monday, January 2, 2023

 സ്നേഹലോഹം

നീലത്തിരകൾക്കുള്ളിൽ നിന്നും

നീലാകാശച്ചാട്ടുളിയാൽ

കഴുത്തു തുളഞ്ഞ

ഒരു വെള്ളിമീൻ മേഘം

കരയിലേക്കോടിക്കയറി.

കുടുകുടാ കണ്ണുച്ചുവന്ന്

ചെകിളപ്പൂ വിളറി

വാലറ്റത്താൽ

മരണക്കുഴി കുഴിച്ച്

ചലന മറ്റപ്പോൾ

മഴ വന്നൂരിയെടുത്തു

സ്നേഹലോഹത്തുണ്ടിനെ .





Sunday, January 1, 2023

രംഗം

 നാടകത്തിലെ സ്ഥാനം

അരങ്ങിന്റെ മധ്യത്ത്

തല കുനിച്ചിരിക്കണം

കള്ളിമുൾച്ചെടിയാകണം

മണലുപ്പു രുചിക്കണം

കണ്ണിലുരസും കാഴ്ചയെ

കണ്ടില്ലെന്നു വയ്ക്കണം

ഇതെന്തു ചെടിയാണെ-

ന്നാരാനും ചോദിച്ചാൽ

മൗനം കൊണ്ടു മുറിക്കണം

പിന്നെയും ചോദിച്ചാൽ

അരങ്ങൊഴിയണം.

അപ്പോൾ

കൈയടി കേൾക്കാം

മികച്ച നടി


Monday, May 24, 2021

 എ ബ്യുട്ടി ഫുള്‍ മൈന്‍ഡ് 

അമേരിക്കന്‍ ഗണിത ശാസ്ത്രജ്ഞനായ  ജോണ്‍ ഫോര്‍ബ്സ് നഷിന്റെ ജീവ ചരിത്രം പറയുന്ന ചലച്ചിത്രം . ലോകത്തിലെ ഏറ്റവും മികച്ച കോഡ് ബ്രേക്കര്‍ ആയ നാഷ്  സിക്സോഫ്രീനിയ എന്ന മനോരോഗത്തിലേക്ക് വഴുതുകയാണ്  .അയാള്‍ വാസ്തവികതയില്‍ നിന്നൂ മിഥ്യയുടെ ലോകത്തേക്ക് തെന്നി മാറുന്നു  പ്രണയത്തിലൂടെ ഒന്നായ അലീഷ്യയുടെ സ്വപ്‌നങ്ങള്‍  വളരെ വേഗം  മൃതിപ്പെടുകയാണ് .അലീഷ്യ യുടെ ശ്രമങ്ങള്‍ ജോണിനെ ജീവിതത്തിലേക്ക് വലിച്ച ടു പ്പിക്കുന്നു .എക്കനോമിക്   സയന്‍സിനു  നോബല്‍ സമ്മാനത്തിനു അര്‍ഹാനാവുകയാണ്  നാഷ് .ഇതൊരു സിനിമയായി മാത്രം കണ്ടിരിക്കനാവില്ല .മനോരോഗാ ശുപത്രിയിലെ നീണ്ട ചികില്സാകാലം  നമ്മെ വല്ലാതെ മുറി പ്പെടുത്തും .അയാളുടെ നിസ്സഹായതയുടെ ഫ്രെയിമുകളാണ് ചിത്രത്തെ  ധ്യാന പ്പെടുത്തുന്നത് . 


സില്‍വിയ നാസര്‍  രചിച്ച ബ്യുട്ടിഫുള്‍ മൈന്‍ഡ്  എന്ന ജീവ ചരിത്രം അതെ പേരില്‍ സിനിമയാവുകയായിരുന്നു .റസ്സല്‍ ക്രോവ് ആണ് നാഷ്  എന്ന ജീനിയസ്സിനെ അവതരിപ്പിച്ചത് 

 

കറുത്ത തോണിക്കാരാ "എന്ന പാട്ടില്‍

പുഴയുണ്ടാവുമെന്നു നിനച്ചത് പോലെയല്ല  

പ്രണയ പര്‍വതമില്ല എന്ന  തീരുമാനവും .

രണ്ടിനുമിടയ്ക്ക്  

തുരങ്കങ്ങള്‍  തീവണ്ടിപ്പാതകള്‍ 

അഭ്യാസികള്‍  ആള്‍ക്കൂട്ടങ്ങള്‍  

അങ്ങനെയെന്തെല്ലാം .

കറുത്ത തോണി ക്കാരന്  പുഴ 

അയാള്‍ തന്നെയായിരുന്നു 

കരയണം എന്ന് തോന്നുമ്പോള്‍ 

 തുഴയെറിഞ്ഞു .

അതിലൊരു മീന്പിടച്ചില്‍ 

അയാളെ കൊത്തി എടുത്തു ,,

മഞ്ഞു പാളികള്‍ കൊണ്ടലംകരിച്ച  

പ്രണയ പര്‍വതം 

ഒരു കാറ്റിനെ തടയുന്നു 

മഴയെന്നത് പൊഴിയുമ്പോള്‍

സൂര്യനെന്ന ഒറ്റപ്പുതപ്പ് 

തേടുന്നു .

കരിഞ്ഞു മണക്കുന്നു 

മഴയുടെ അവസാന തുള്ളിയും [ കാഴ്ച ]

 







  


Sunday, June 7, 2020

 കോട 
 ആദ്യം 
കാണുകയായിരുന്നു 
അതിനുള്ളില്‍ ഒരു ജീവ ചിത്രം 
തെളിയുകയായിരുന്നു 
തുമ്പിക്കൈ വിതി ര്‍ ത്തു 
മേഘച്ചെവികള്‍ നീട്ടി 
ആകാശം ആനയായി 
കുന്നിറങ്ങി 
രണ്ടു മലകള്‍ ക്കിടയിലെ 
ഹൃദയ പ്പിടപ്പ് 
ഒരരുവി ശ്രദ്ധി ച്ചിരുന്നു 
കോട യിലേക്ക് 
ഇറങ്ങി നില്‍ക്കാം 
 പ്രണയത്തി ലെക്കെന്ന പോലെ 
കോടയില്‍ നിന്നും തിരിച്ചു നടക്കാം 
പ്രണയത്തില്‍ നിന്നെന്ന പോലെ 
അരുവികള്‍
 ഇപ്പോഴും സ്പന്ദിക്കുന്നതിനാല്‍ 
ഹൃദയ മിടിപ്പുകള്‍ മാത്രം 
മഞ്ഞിലില്ലാതാകുന്നില്ല 
  

  



Wednesday, June 3, 2020

നിറയെ പൂക്കളുള്ള ഒരാകാശ ത്തെ 
വാരിച്ചുറ്റി 
വലം കയ്യില്‍
 കുഞ്ഞമ്പിളി യെയും 
ഇടം കയ്യില്‍ 
ബാല സൂര്യനെയും കൊണ്ട് 
 കടല്‍ മുറിച്ചു കടക്കുക 
എത്ര പ്രയാസം !
തൊ പ്പി വീശി പച്ച കാട്ടിയ 
ഒരു വാലന്‍ കിളി 
പാഞ്ഞു പോയ  ഒരു തുമ്പിയെ 
തടഞ്ഞു നിര്‍ത്തി .
തുമ്പി പിഴ മൂളുന്നുണ്ടായിരുന്നു .
തീരത്തേക്ക് കാല്‍ വച്ചതും 
ചുമലില്‍ ഒരു നീര്‍ ത്തുള്ളി 
മേഘത്തെ ഇടിച്ചു  തെറി പ്പിച്ചു 
ഒരിടി മിന്നല്‍ ....[ട്രാഫിക് ]











കൂട്

മരിച്ചിട്ടും മരിക്കാത്ത ഒരു ഋതു നൊന്തുവിളിക്കുന്നതായി തോന്നുന്നുണ്ട് മഞ്ചാടിമഴയിലെന്ന  പോലെ ചുവന്നു നനയുന്നുണ്ട്  പനകളുടെ ചില്ല കീറി  വരുന്ന...