വനം അരുമയായാണ് എന്നെ സ്വീകരിച്ചത്
കൈക്കുടന്നയില്‍ പൂക്കള്‍ കുടഞ്ഞും
കാല്‍ ത്തളകളില്‍ കാറ്റായി ത്തഴുകിയും
കാതുകളില്‍ മുളമ്പാട്ടായി ഈണമിട്ടും
ചുണ്ടുകളില്‍ സുഗന്ധങ്ങളാല്‍ ചുംബിച്ചും
ശലഭ മായി വനം എന്നെ ചുറ്റിപ്പറന്നു
അപ്പോഴൊക്കെയും
പ്രണയ മറിയുക യായിരുന്നു ഞാന്‍
അരുവി ത്തെളിച്ചം പോലെ ....
സ്വസ്ഥമായി അലയുന്ന അവന്‍റെ കണ്ണുകള്‍
കരിമ്പച്ച ത്ത ണലുകളില്‍ അവന്‍റെ കുതിപ്പ് ....
വന്‍ മരം പോലെ എന്നില്‍ അവന്‍റെ വാക്കുകളുടെ കുടിയേറ്റം...
മടങ്ങുമ്പോള്‍ ............
പ്രണയത്തിന്‍റെ ചാവേറായി ക്കഴിഞ്ഞിരുന്നു ഞാന്‍ .
3 comments:
എഴുതിത്തെളിയട്ടെ.. നല്ല ശ്രമം
വായിച്ചു...എല്ലാ ഭാവുകങ്ങളും..
വനപ്രണയം
Post a Comment