Sunday, December 23, 2012

പെണ്‍കുഞ്ഞ് 2013




  • പൂക്കളുടെ ചോര തുപ്പി
    തീയാല്‍ ശ്വാസപ്പെട്ട്
    ഓരോ പുരുഷാകൃതിയി ലേക്കും
    അവള്‍ പെറ്റു വീഴും .

    ഭൂമി നിറയെ അവയുടെ കാടുകളാണ്

    പരവതാനിയിലെ സൂചി ത്തലപ്പുകള്‍
    മൂടി വ യ്ക്കപ്പെട്ട മൈനുകള്‍
    അവളെ മരിച്ചടയാളം ചൊല്ലാന്‍
    കുതറി നില്‍ക്കുന്ന ഉണര്‍ച്ചകള്‍

    പൊട്ടി യൊലിച്ച്
    നിലവിളി ച്ചാലില്‍
    ചിതറിയ പൂമ്പാറ്റ പോലെ
    അവള്‍
    ലോകത്തെ കണ്ടു കണ്ടങ്ങനെ കിടക്കും

    ലിംഗ വ്യവസായിയായ ഒരു
    ധര്‍മ്മ പുരുഷന്‍
    ക്ലാസ്സിക് കണ്ണീരിനെ
    അവളിലേക്ക്‌ ഊതിക്കയറ്റും

    ഇപ്പോള്‍
    നിങ്ങള്‍ കേട്ടു കൊണ്ടിരിക്കുന്നത്
    പെണ്‍കുഞ്ഞ് 2013 ന്‍റെ
    അതി ശരീര ഭാഷ യാണ്

    അവള്‍ക്കായി
    ആരെങ്കിലും വയലിടങ്ങളിലെ
    പതം വന്ന മണ്ണില്‍
    സ്നേഹം നടും വരെ
    പകര്‍ത്തപ്പെടുന്ന ഇന്നിന്‍റെ ലിപി .


6 comments:

ajith said...

ഇന്നിന്റെ ലിപി വേദനിപ്പിക്കുന്നതുമാണ്

Kaladharan TP said...

ക്രിസമ്സ് നക്ഷത്രവിളക്കുകളെപ്പോലും പേടിയാണവള്‍ക്ക്
അവയുടെ കൂര്‍ത്തുചവന്ന മുനകള്‍
കൂട്ടബലാത്സംഗത്തിനു വരുമ്പോലെ.

പട്ടം പറത്തുന്നതു കാണുമ്പോള്‍ ആരോ ഉടുതുണി പറിച്ചെറിഞ്ഞപോലെ
എന്നാണീ കുട്ടിക്കു ചെടികളില്‍ പൂക്കുന്നത് ചേരയല്ലെന്നു അറിയാനാവുക?

Gopan Kumar said...

അവള്‍ക്കായി വയലിടങ്ങളില്‍ സ്നേഹച്ചെടി പൂക്കാട്ടെ
ആശംസകള്‍

Anu Raj said...

ചിതറിയ പൂമ്പാറ്റ...അതൊരു പുതിയ ബിംബമാണല്ലോ..അത് വല്ലാതങ്ങ് ഇഷ്ടപ്പെട്ടു

Shahid Ibrahim said...

സ്വന്തം കുഞ്ഞിനു പേര് ഇടാത്ത പോലെ ആയി.കവിതയ്ക്ക് ഒരു പേര് കൊടുത്തൂടെ?

ബിന്ദു .വി എസ് said...

ആ കവിതയുടെ പേര് പെണ്‍കുഞ്ഞ്.2013

എന്നാണല്ലോ