നിലാവ് ഒരു കൈലേസ് കൊടുത്തയച്ചിരിക്കുന്നു
നിന്റെ പുഞ്ചിരി തുന്നിയത്
രാത്രിയാകട്ടെ ഒരു പ്രണയ ക്കുറി പ്പും
നിന്റെ നെഞ്ചിടിപ്പുകള് ചേര്ത്ത് വച്ചത്
ഓരോ അക്ഷരത്തിലും ഒരു മഹാകാവ്യം
നിന്റെ പുഞ്ചിരിയുടെ വെട്ടത്തില്
ഞാനത് വായിക്കുകയാണ്
പ്രിയനേ ..ഉലര്ന്നു മറിയുന്നു കാറ്റുകള്
ഉള്മദങ്ങളില് പുണര്ന്നു വീഴുന്നു മഴ
നിന്റെ ഉമ്മകളില് കൂമ്പിയ പൂക്കള്
നിന്റെ കരവലയങ്ങളില് പെട്ട കടല്
പ്രണയത്തിന്റെ ഹൃദയാലസ്യത്തില്
നീയും ഞാനും അങ്ങനെയാകുമ്പോള്
നമുക്കില്ല തന്നെ വേറിട്ട ലോകം !!
[പ്രണയം ]
No comments:
Post a Comment