- കല്ലിന്റിടുക്കിലെ ഞണ്ടേ
കല്യാണത്തിനു പോകണ്ടേ "?
കൈ പിടിച്ചേതോ ചാത്തനന്തി -
ച്ചാവേറായിന്നു, കണ്ടുവോ നീ ?
കോലോത്തു കാഴ്ചക്കു പണ്ടമായി
കോലവും കെട്ടിയിരിപ്പൂ താത്രി .
ആനയ്ക്കെടുപ്പോളം പൊന്നു വേണം
ആളുമമ്പാരിയും കൂടെവേണം
ആയിരം കണ്ടങ്ങള്‍ വേറെ വേണം
അച്ചാരം വച്ചല്ലോ കല്യാണം -
ആ സ്വപ്ന രാശി യെ കാണാതെ
അല്ലിന്റെയുള്ളിലെ സ്നേഹത്തെ
പെണ്കൊടി തന്നെ വീണ്ടെടുത്തു
ഇഷ്ടത്തെ യങ്ങനെ കണ്ടെടുത്തു.
ജാതി മതത്തോടിരക്കാതെ
അവരാ സ്നേഹ ത്തിര മുറിച്ചു .
ഓര്‍ക്കുന്നോ ഞണ്ടേ നീയന്നത്തെ
രാവും കലമ്പലും കൊള്ളി വയ്പ്പും
നീയിറങ്ങുന്ന നേരത്തല്ലോ
പേടിക്കുടലായി വന്നു താത്രി .
രാവു പണി ഞ്ഞൊരു കാതല്‍ പോലെ
ചെക്കനിങ്ങെപ്പുറം ചാളയിന്മേല്‍
ചെന്ന് തല ചായ്ക്കാനൊട്ടൊരുങ്ങെ
ഞെട്ടറ്റു മുന്നിലായ് ചെമ്പകപ്പൂ .
നെഞ്ചു പിടച്ചവള്‍ കൈ പിടിച്ചു
"ചാത്തനു കൂട്ടിനി ഞാന്‍ തന്നെ "
മിന്നല്‍ മുഖത്തേക്കു വീണ പോലെ
ഞെട്ടിയാ മണ്ണിന്‍റെ കൂട്ടുകാരന്‍
മൈന ക്കിളിയുടെ കണ്ണില്‍ നോക്കി
മെല്ലെ മൊഴിഞ്ഞാ മിടുക്കത്തി
തീണ്ടലും ചൂണ്ടലുമില്ലാത്ത
ലോകം പണിയുവാന്‍ നമ്മള്‍ പോരും.
.
കല്ലിന്റിടുക്കിലെ തള്ള ഞണ്ടേ കഥ
കണ്ണ് നിറഞ്ഞന്നു കേട്ടുവോ നീ ?
കല്ലിന്റിടുക്കിലെ ഞണ്ടേ യിന്നും
കല്യാണം കൂടാന്‍ പോകുന്നോ ?
മിന്നും നിലാവല പോലൊരുത്തി
മിന്നിച്ച സ്നേഹ വെളിച്ചത്തില്‍
അവരൊന്നിച്ച ക്കൂര മേയാനായ്
ഇപ്പം പുറപ്പെടും തള്ള ഞണ്ടേ .
.
അയ്യോ നീയേറെ വൈകിയല്ലോ
ചാത്തന ച്ചാവേറു തന്നെയായി.
ജാതി മുഴത്തിന്‍ കയറിനുള്ളില്‍
അവനതാ മരണമായ മാറുന്നു .
അമ്പിളി കണ്ണീരൊതുക്കത്തില്‍
പുത്തനാം താലി പണിയുന്നു
താത്രിയെ യാചാര ക്കൂടിനുള്ളില്‍
താഴിട്ടു കാലം പൂട്ടുന്നു .
ഏണും മുഴയുമായ് ശില്‍പ്പി തന്ത്രം
ഏറെ പ്പിഴവുറ്റ ജീവിതത്തില്‍
കവി യന്നു പാടി പ്പതിപ്പിച്ചു
പുത്തനാം ചരിതം, മുറിയാതെ .
അക്കഥ പാടെ മറന്നിട്ടാ
ജാതി ബോധത്തിന്‍ ചുടുകാട്ടില്‍
അറുകൊല ചെയ്യാനൊരുങ്ങി നില്‍ക്കും
മാനവനെന്താണോ നീതി ബോധം?
കല്ലിന്റിടുക്കിലെ കള്ള ഞണ്ടേ ,യിനി
ജാതിയില്‍ നീയെന്ത് ?ചൊല്ലാമോ ?
Wednesday, December 19, 2012
കല്ലിന്റിടുക്കിലെ ഞണ്ടേ
Subscribe to:
Post Comments (Atom)
3 comments:
ഒരു വടക്കന്‍ വീരപ്പാട്ടിന്റെ ശീലും ശൈലിയുമുള്ള
മനോഹരരചന
(എന്തില്‍ നിന്ന് പ്രചോദനമുള്‍ക്കൊണ്ടാണീ വരികള്‍ എഴുതിയതെന്നറിയാന്‍ ആഗ്രഹമുണ്ട്)
പ്രണയത്തിന്റെ ജാതി പ്രണയം തന്നെ
നന്നായി എഴുതി
ആശംസകള്‍
പ്രിയ അജിത്‌,ഗോപന്‍ സര്‍
നമ്മുടെ നാടന്‍ പാട്ടും പഴഞ്ചൊല്ലും ഉള്ളിലടക്കി വച്ചിരിക്കുന്ന ശ ക്തി അപാരമാണ് .അവ പുതിയ കാലത്തിനു എങ്ങനെ പ്രയോജനപ്പെടുത്താം എന്നുള്ള ചിന്ത മാത്രമാണ് ഈ ശ്രമത്തിനു പിന്നില്‍ .നല്ല വാക്കുകള്‍ക്കു നന്ദി .ശ്രമം തുടരും
Post a Comment