നീ വരികയാവണം
നക്ഷത്രങ്ങള്‍  എന്റെ കണ്ണുകളില്‍ ഉദിച്ചിരിക്കുന്നു
 നീ വന്നിരിക്കണം
തെന്നല്‍  എന്നെ വലയം ചെയ്യുന്നുണ്ട്
നീ വന്നു
ഞാന്‍  കാറ്റിലുലയുന്ന  പൂമര മായി
ഈ  രാവില്‍ ഇനി മറ്റൊന്നുമില്ല
നീയെന്ന പൂര്‍ണ്ണത യിലേക്ക്
എന്റെ അപൂര്‍ണ്ണ സഞ്ചാരം
നമ്മള്‍ ഗസലുകളായി
മാതളങ്ങള്‍  പിന്നെയും തുടുക്കുന്ന
മാന്ത്രികത
ചുരുള്‍ നിവരാത്ത കടല്‍പ്പായച്ചുണ്ടുകളെ
കടിച്ചു കുടയുന്ന കരി ഞണ്ടുകള്‍
തിര വിരലുകള്‍
ഉത്തമ ഗീതങ്ങള്‍
പ്രിയനേ ,,,,
കണ്ണുകളില്‍  നിന്റെ കണ്ണുകള്‍
ഇമകളില്‍ ചേര്‍ന്ന നീര്‍ ത്തുള്ളികള്‍
ഉടല്‍ വടിവുകളിലെ നീല വൃത്തങ്ങള്‍
സ്നേഹത്തിന്റെ  നെഞ്ചോരത്ത്
സാഗര സന്ധ്യ പോലെ ഞാന്‍ ,,,
നമ്മളി ങ്ങനെ പ്രണയത്തില്‍ മരിക്കും .
പരിഭവങ്ങള്‍  വിതുമ്പുന്ന  എന്റെ  അധരങ്ങളില്‍
നീ  അലംകരിച്ച  സ്നേഹ പുഷ്പങ്ങള്‍
എന്റെ  വെളിച്ച മേ...
ഞാനും നീയുംഅങ്ങനെ  ഇല്ലാതായിരിക്കുന്നു
"നമ്മള്‍  " മാത്രം.
 ഒരൊറ്റ ചിറകില്‍  ,
പ്രണയ സഞ്ചാരികള്‍  പറുദീസ
തീര്‍ക്കുന്ന ഇടങ്ങളിലേക്ക്
കരുണയോടെ   കടന്നു പോകുന്നവര്‍ .....[പ്രണയം ].






 
 

വിഷാദങ്ങളുടെ വലിയ കടല്‍ ഞണ്ടുകള്‍  നമ്മെ
വലയം ചെയ്ത തേയുള്ളൂ ,,
കരള്‍ പിളര്‍ ന്നില്ല
ഭയന്ന് ഞാനൊളിച്ച നിന്റെ  നെഞ്ചിന്‍ കൂട്
അതിലെ ഇളം ചൂട്
സ്വപ്‌നങ്ങള്‍ പൊള്ളിച്ച എന്റെ  കണ്ണുകളില്‍
വെളിച്ചപ്പെട്ട നിന്റെ  കയ്യട യാള ങ്ങള്‍
എനിക്കും ചുറ്റും തീയായിരുന്നു
ഞാന്‍ ഭയന്ന തേ യില്ല
നീ അതിലേക്കു നടന്നടുക്കുന്നത് ഞാന്‍ കണ്ടു
അഗ്നി നാളങ്ങളില്‍ നിന്നു എന്നെ വാരിയെടുത്ത്
നീ മറഞ്ഞ വഴികള്‍ ...
കരിഞ്ഞ മണം പരക്കുമ്പോഴും
നിന്റെ സ്നേഹത്തിന്റെ  വാസന
എന്നെ ജീവിപ്പിക്കുന്നു
നിന്റെ പ്രാണനില്‍ നിന്നു ഞാന്‍ ശ്വസിക്കുന്നു
നിന്റെ  വരണ്ട ചുണ്ടുകളെ ഞാന്‍ മൊത്തുന്നു
നീയാണ്   എന്റെ  ഉടലഴക്
എന്റെ കാതുകളില്‍ മുളം പാട്ടിന്റെ
ഒരുറക്കം  നീ സമ്മാനിക്കുന്നു ,,
പുലരികളിലേക്ക് എന്നെ എടുത്തുയര്‍ത്തി
നീ  ആകാശ മാകുമ്പോള്‍
സന്ധ്യകളുടെ  കടല്‍ മാലകള്‍
നാം പരസ്പര മണി യിക്കുന്നു ,,,
ഒരൊറ്റ ജീവിതമായി ത്തന്നെ ,


 [പ്രണയം ]

തുളുമ്പുന്ന  നട്ടുച്ചയില്‍ ...ആ മരത്ത ണലില്‍

ആകാശം  വെള്ളി മേഘങ്ങളെ  കാണിച്ചു തരുമ്പോള്‍ 

നീ എന്റെ  മടിയിലുറങ്ങുകയായിരുന്നു

അല്ല 

മയങ്ങുക യായിരുന്നു 

അകലെ  നീലക്കടല്‍  നമ്മളിന്നോളം കണ്ടിട്ടി ല്ലാത്ത വണ്ണം 

നമ്മളെ ത്തന്നെ നോക്കി ക്കിടന്നു 

"എന്‍റെ പെണ്ണേ "എന്ന് നീ മയക്കം മുറിഞ്ഞപ്പോള്‍ 

കടല്‍  വെട്ടി ത്തിളച്ചു  

എന്റെ  അത്രയ്ക്കടുത്ത്  നിന്റെ നിശ്വാസ ങ്ങളുടെ 

അതേ ചൂടില്‍ ..

പെട്ടെന്ന് നമ്മുടെ 

ചുണ്ടുകളുടെ   അരികില്‍  ചുംബനങ്ങളുടെ  തോണി മറിഞ്ഞു 

ഓരോന്നിലും എത്തിപ്പിടിക്കാന്‍ ഞാനും നീയും ,,,,

കൈകള്‍ക്ക് മേല്‍ കൈകള്‍ കോര്‍ത്തു 

ഹൃദയ നാരുകള്‍  ചേര്‍ത്തു തുന്നിയ നമ്മുടെ പ്രണയം 

നീയോ ഞാനോ ഒന്ന് നൊന്തു പോയാല്‍ 

ചോരയുടെ  തുളിപ്പും  കുതിപ്പും ...

ചുണ്ടുകളെ  ചുണ്ടുകള്‍ കൊണ്ടെടുത്ത് 

കണ്ണുകളെ കണ്ണുകളാ ലെ ടുത്ത്

ഒരായുസ്സ്  നമ്മള്‍ പകുക്കുന്നു   

തിരപ്പക്ഷി കളായെ ത്തുന്ന 

കടല്‍ സന്ധ്യകള്‍ ക്ക്

നമ്മെ ത്തന്നെ എറിഞ്ഞു കൊടുത്ത പോലെ .....

[പ്രണയം ]

തീ പടരുന്ന വനം കണ്ടിട്ടുണ്ടോ
ഇല്ല
അവസാനത്തെ പച്ചയും കണ്ണീരോടെ
പുകയുന്ന തീയ് ...
ഇല്ല
തടാകത്തിലെ അവസാന തുള്ളി എരിഞ്ഞു
തീരുന്നതു കണ്ടിട്ടുണ്ടോ
ഇല്ല
ഓർമകളുടെ നീർമരുതുകൾ നിലം പൊത്തുന്നതു കണ്ടിട്ടുണ്ടോ
ഇല്ല
ഒരു മുളമ്പാട്ട് ആഴത്തിൽ വെന്ന്
മണം പരത്തുന്നതറിഞ്ഞിട്ടുണ്ടോ
പിന്നെ ...
ഒരു അസമയ സൂര്യൻ ഒപ്പം വന്ന്
മരത്തിലും പുഴയിലും ചിത്രം വരച്ചു
പിന്നെ
പ്രണയം പ്രണയമെന്നസ്തമിച്ചു..
പിന്നെ
അവൾക്ക് കൂട്ടായി കടൽ സന്ധ്യകളെ
മെനഞ്ഞു...
പിന്നെ....പിന്നെ....