Sunday, October 30, 2011

ബ്യുട്ടി പാര്‍ലര്‍

മണങ്ങളാല്‍ ഉഴിഞ്ഞുഴിഞ്ഞു 
നിറം മാറിപ്പോയ ഒരു ബ്യുട്ടി പാര്‍ലര്‍ .
കറുത്ത പകലുകളെ വെളുക്കാന്‍ തേച്ചും 
മുടിഞ്ഞ ചിരികളില്‍ ചായമിട്ടും
കുരുങ്ങിപ്പോയ സ്വപ്നങ്ങളെ നനച്ചു നിവര്‍ത്തിയും ------
കണ്ണാടി നോക്കാത്ത ഒരുവള്‍ പണി യൊടുക്കുന്നു.
മുഖക്കുരുവിന്‍  അലോസര മക റ്റാന്‍
ഉര ഞ്ഞു തീര്‍ന്ന  ഓറഞ്ചുകള്‍കാണുമ്പോള്‍ 
അതിന്‍റെ മഞ്ഞയിലേക്ക് വിരല്‍ ചൂണ്ടുന്ന 
മകളുടെ  കൊതിക്കരച്ചില്‍ 
നെഞ്ചിലൊരു മുള്ള് കുത്തിക്കും .
അതിനാല്‍ 
ആപ്പിള്‍ത്തുടിപ്പുകള്‍ തുണി സഞ്ചിയില്‍ തൂങ്ങി 
കൂടെ പ്പോരുമ്പോള്‍
വേണ്ടെന്നു പറയില്ല .
മരണത്തിന്‍ മുഖം മിനുക്കിയും 
വധുവിന്‍റെ കണ്‍ പീലികളെ നൃത്തമാടിച്ചും
വിവശയാകുമ്പോള്‍
അവള്‍ ഉള്ളിലൊരു വീട് പണിയും .
പൂന്തോപ്പുകള്‍ തകര മേല്‍ ക്കൂര യിലേക്ക് 
തകര്‍ന്നു വീഴുന്ന ഒരു വീട് .
അങ്ങനെ 
ഒരു യുവതിയുടെ എല്ലാ ജീവിതത്തിലേക്കും 
ബ്യുട്ടി പാര്‍ലര്‍ കൈ കടത്താറുണ്ട്.



1 comment:

പദസ്വനം said...

നര വീണ ജീവിതത്തിന്റെ മുഖത്തെ ചുളിവുകള്‍ മാറ്റാന്‍ .. നരയകറ്റാന്‍ വല്ല പ്രതിവിധിയുണ്ടോ? :-s

കൂട്

മരിച്ചിട്ടും മരിക്കാത്ത ഒരു ഋതു നൊന്തുവിളിക്കുന്നതായി തോന്നുന്നുണ്ട് മഞ്ചാടിമഴയിലെന്ന  പോലെ ചുവന്നു നനയുന്നുണ്ട്  പനകളുടെ ചില്ല കീറി  വരുന്ന...