Sunday, August 25, 2013

കൈതേരി മഴയെ...കൈതേരി മഴയേ..
കൈ വീശി എങ്ങോട്ടു പോകുന്നു ?
കാവും കുളവും കത്തി ക്കരിഞ്ഞിങ്ങു
ചാക്കാല യാടുന്ന കണ്ടല്ലോ
കൈതേരി മഴയേ .....കൈതേരി മഴയേ
തേങ്ങി ക്കരഞ്ഞെങ്ങു പോകുന്നു ?
അമ്മ മടീന്നാ പട്ടിണി ക്കുഞ്ഞിനെ
മരണം കെട്ടി മുറുക്കുന്നു
..കൈതേരി മഴയെ...കൈതേരി മഴയേ..
കൈ കുടഞ്ഞെങ്ങോട്ടു പോകുന്നു ?..
കൂന്താലി മുന കൊണ്ടു കാലറ്റു പോയൊരു
കുഞ്ഞി ത്തലപ്പിനെ കാണണ്ടേ
മഴ വറ്റി ക്കേഴുന്ന മേഘ ത്തടങ്ങളില്‍
കുടി നീരിന്‍ കവിത കുറിക്കണ്ടേ
കൈതേരി മഴയേ ...കൈതേരി മഴയേ...
കാലും തുടച്ചെങ്ങു കേറുന്നു ?
കടലു കെറുവിച്ചു വക്കാണം കൂട്ടുന്ന
വരുതിക്കരകളില്‍ പോകുന്നു
കരളു നനഞ്ഞു കുതിര്‍ന്നു നില്‍ക്കും
കുടിലൊന്നു കാണുവാന്‍ പോകുന്നു
സ്വപ്നം പനിച്ചു തിളച്ചു തൂവും
പെണ്ണിനെ കാണാന്‍ പോകുന്നു
കൈതേരി മഴയേ ...കൈതേരി മഴയെ...
കൈതേരി ക്കൈതകള്‍ പൂക്കുന്നുണ്ടോ ?
ഒറ്റ മഴയ്ക്കിടി മിന്നലായി
കൈതക്കുടം പൊട്ടി ച്ചോടുമ്പോഴാ
നീല ജലം തൊട്ടു നാവില്‍ വച്ചു
പിന്നെയീ നാവോന്നും മിണ്ടീട്ടില്ല
പിന്നെയീ കണ്ണൊന്നും കണ്ടിട്ടില്ല
ഇഴകാലില്‍ പിണയുന്ന കുഞ്ഞി ക്കിളിയായി
ഇറവെള്ളം താണ്ടുന്നതരുമ ക്കന്നി ..
കൈത മണക്കേണ്ട കസവ് ഞോറിയണ്ട
കള്ള മഴ ക്കൂമ്പു തൊട്ടിടെണ്ട
കൈതേരി മഴയെന്നു വിളിക്കേണ്ട .
ഉല്‍സാഹ മഴയെന്നു വിളിക്കേണ്ട
നൊന്തു നടന്നു നനഞ്ഞിടുമ്പോള്‍
കൈതേരി മഴയ്ക്കുള്ളം വെന്തിടുന്നു .
ചിറ വെള്ളമായങ്ങു മാറുന്നു .

1 comment:

ajith said...

കൈതേരി മഴയേ..!!!
നന്നായിട്ടുണ്ട്

കൂട്

മരിച്ചിട്ടും മരിക്കാത്ത ഒരു ഋതു നൊന്തുവിളിക്കുന്നതായി തോന്നുന്നുണ്ട് മഞ്ചാടിമഴയിലെന്ന  പോലെ ചുവന്നു നനയുന്നുണ്ട്  പനകളുടെ ചില്ല കീറി  വരുന്ന...