Sunday, August 25, 2013

പൂതനേ

നീ ഉണ്ടായിരുന്നെങ്കിലെന്ന്
ആശിക്കുന്നു

മരങ്ങള്‍ നിന്‍റെ രക്തം കുടിച്ചു
വളരുമായിരുന്നു

വേഷം മാറിയാലും
ധര്‍മ്മ ത്തിലേക്ക്
നിന്‍റെ കാലോ കയ്യോ
നീളുമായിരുന്നു .

മൃഗ വാസനകളുടെ
മുറിവിലും
മഴയെ വിളിച്ചു വരുത്തുമായിരുന്നു

ആണവ നോവുകള്‍ക്കിടയില്‍
അലങ്കാര ച്ചെടികള്‍
പറ്റി വിളിച്ചു കരയുമ്പോള്‍
മോക്ഷമായി എത്തുമായിരുന്നു .

എങ്കിലും
നീ
ലളിതയാകേണ്ട

പലതായി മുറിഞ്ഞു പോയോള്‍ക്ക്
പൂതനാ വേഷമാണ്
എല്ലാ അരങ്ങിലും .

.

1 comment:

ajith said...

പൂതനാമോക്ഷം അപ്പോള്‍ ആര്‍ നല്‍കും?

കൂട്

മരിച്ചിട്ടും മരിക്കാത്ത ഒരു ഋതു നൊന്തുവിളിക്കുന്നതായി തോന്നുന്നുണ്ട് മഞ്ചാടിമഴയിലെന്ന  പോലെ ചുവന്നു നനയുന്നുണ്ട്  പനകളുടെ ചില്ല കീറി  വരുന്ന...