താന്സെന് പാടുന്നു
മേഘം ചുട്ടു പഴുത്തു പരത്തും
തീ വെയിലിനു നേരെ
താന്സെന് പാടുന്നു .
തംബുരു ചേര്ക്കുന്നു മഴയുടെ
മുത്തു കിലുങ്ങും ശ്രുതിയില്
വിസ്മയ നാദ തരംഗങ്ങള്
കിളി വാതില് മറവില്
കാതര നയനങ്ങള്
വളയിട്ടുമുറിഞ്ഞ കരങ്ങള്
പട്ടിന് തൊങ്ങല് തൊട്ടു
മിനുക്കും പാദങ്ങള്
നീണ്ട മുടി ത്തുമ്പഴകില്.......
വിടരുന്നു മഴയുടെ നെഞ്ചില്
താണുമയങ്ങാന് .
താന്സെന് പാടുന്നു .
ദൂരെ ഒരു ചില്ലയിലാടി വിറക്കു -
മൊഴിഞ്ഞ കിളിക്കൂടായ്
മഴ മേയും കൂരകള് ...
തകരം കൊണ്ടു മറച്ചോരിരുളില്
കാറ്റ് വരച്ചു മടങ്ങും ചിത്രം.
ഏതോ ദര്ബാറില് ... താന്സെന് പാടുകയാവാം .
വീണ്ടും പാടുകയാവാം.
No comments:
Post a Comment